Учениците утре ќе добијат учебници, потврди министерот Шаќири

Првото полугодие од учебната година почна пред два ипол месеци, а министерот за образование Јетон Шаќири во изјава за „ТВ21“ кажа дека учебниците конечно се готови и од утре ќе бидат достапни.

„Јас кажав дека учебниците ќе бидат готови до октомври. Денеска имаме над 22 наслови само за основно образование, околу 15 се испечатени од економскиот оператор кој ја презема обврската да ги печати. Испораката на учебници започнува од утре, четврток“, кажа Шаќири.