Учениците признаа вина, родителите бараат класната да не сноси одговорност за екскурзијата во Италија

Двајцата ученици од неготинската гимназија кои доцнеле на екскурзијата во Италија поради тоа што се успале, па биле оставени и не ја посетиле Франција, си ја признаa грешката.

Ова го напишале нивните родители во изјавите до која дојде МИА, а на едната од нив се гледа дека е доставена до училиштето.

Во тие изјави, родителите  бараат класната на средношколците да не сноси одговорност.

Две класни раководителки минатата седмица беа разрешени од класното раководителство поради овој случај.