Четиригодишното момче од Калифорнија, Гор Адамиан, беше смртно застрелано откако маж отвори оган врз возилото на семејството за време на сообраќаен инцидент во петокот.
Полициската управа во Лос Анџелес соопшти дека пукањето се случило околу 19:30 часот во петокот на автопатот Сиера во Ланкастер, Калифорнија.
– Незамисливо, ова можеше да биде секое наше семејство. Можеше да биде секој од нас. Апсолутно нема оправдување за ова. Ова е домашен тероризам во најлош случај – рече градоначалникот на Ланкастер, Р. Рекс Парис.
Канцеларијата на шерифот соопшти дека во врска со смртоносното пукање се уапсени 29-годишен маж и 27-годишна жена, додавајќи дека нема дополнителни осомничени.
Според соопштението, мајката и таткото возеле по автопатот кога осомничените ги отсекле и почнале да ги следат низ неколку површински улици.
– Додека осомничените го бркале, возачот на жртвата го успорил неговото возило, а за тоа време осомничениот возач застанал до совозачката страна од автомобилот на жртвата и почнал да пука – соопштија од полицијата.
Четиригодишно момче, кое седело на задното седиште, било застрелано во телото.
Неговите родители веднаш го однеле во локалната болница, каде што била констатирана смрт.
Официјални лица рекоа дека никој друг не е повреден.
Парис рече дека осомничените брзо биле следени од неодамна инсталираната мрежа на безбедносни камери.
Системот користи „технологија за автоматизирано препознавање на регистарски таблички“, која обезбедува предупредувања кога украденото или бараното возило влегува во градските граници.