Украинскиот преговарач Денис Кириев, кој беше пронајден мртов на улица во Киев со прострелна рана во главата на почетокот на војната, беше убиен при неговото апсење.
Тој беше обвинет за велепредавство, а беше убиен од Службата за безбедност на Украина (СБУ), изјави претставникот Олексеј Хончаренко на почетокот на март минатата година. Во тоа време, Хончаренко рече дека SBU има јасни докази за предавството на Киреи, кои вклучуваат телефонски разговори.
Сега Вол Стрит Журнал (Wall Street Journal ) пишува дека Кириев не бил предавник и дека ги информирал украинските власти за датумот на руската инвазија на Украина и кога Русите ќе го нападнат Киев.
„Да не беше Киреев, Киев веројатно ќе паднеше“, наведува овој весник.
Неколку дена откако беше убиен, Кириев беше погребан како херој. Како што изјави шефот на украинската воена разузнавачка служба, генерал Кирил Буданов, за Вол Стрит Журнал, Киреев на украинската влада им ги доставил информациите што ги добивал преку неговите контакти во Русија, кои помогнале во одбраната на Киев.
„Да не беше Киреев, Киев најверојатно ќе паднеше“, рече Буданов. Киреев почина на 5 март под мистериозни околности во Хостомел, додека руските сили се мачеа да напредуваат кон главниот град на Украина.
Подоцна беше сугерирано дека тој работи како двоен агент за Русите. Но, СБУ издаде соопштение дека Киреев починал додека бил на должност во специјална мисија.
Киреев учествуваше на мировните преговори на 28 февруари во Гомел, Белорусија, во раните фази на руската инвазија на Украина.
Буданов рече дека во есента 2021 година, кога американската војска и разузнавањето почнале да ја предупредуваат Украина за заканата од голема војна со Руската Федерација,
Киреев од неговите извори дознал дека Москва навистина подготвува инвазија, и станал прв што ги информираал украинските власти за рускиот напад .
Во попладневните часови на 23 февруари, Киреев му дал на генерал Буданов нови разузнавачки информации – рускиот претседател Владимир Путин издаде наредба за инвазијата планирана за утрото на 24 февруари.