Уапсена жената која тепаше дете во скопско кафуле, му била дадилка

Жената од видеото кое денеска се појави во јавноста, а на кое таа тепа мало дете во скопското кафуле „Дежа Ву“ е уапсена. Ова попладнево го објави менаџерот на „Дежу Ву“, Зоран Василевски.

Од МВР за Алфа велат дека дадилката е уапсена.

-Утврдено е дека станува збор за негователка која била ангажирана да го чува детето. Негователката е приведена и известен е Јавен обвинител за натамошна постапка. Инцидентот е пријавен од страна на сопственик на  угостителски објект. Тој околу 11:00 часот при проверка на безбедносните камери на угостителскиот објект, забележал како женско лице во игротеката физички малтретира дете, велат оттаму.

Од МВР додаваат дека известен е и Центарот за социјални работи.