Уапсен разбојник кој пред 11 години учествуваше во грабежот во Прокредит Банка

Во четвртокот вечерта во Тетово е уапсен скопјанец, кој пред 11 години беше еден од разбојниците кои ја ограбија Прокредит Банка.

„На 16.01.2020 околу 19.20 часот, во угостителски објект на влезот во Тетово, полициски службеници на СВР Тетово, во содејство со други служби на МВР, го лишиле од слобода И.Р.(34) од Скопје, по кого била распишана потерница за доиздржување на затворска казна за сторени кривични дела „разбојништво“ и „тешка кражба“. Набрзо по лишувањето И.Р. предаден е во КПУ „Идризово“ во Скопје“, информираат од МВР.