Уапсен организаторот на вооружениот конфликт во Бањска, Милан Радоичиќ

Српската полиција го уапси Милан Радоичиќ, кој призна дека го организирал вооружениот конфликт во Бањска на Косово.

„На 03.10.2023 година, полициски службеници на Управата за криминалистичка полиција извршија претрес во станот и другите простории на Милан Радоичиќ, кому полицијата му одредила притвор до 48 часа. Со кривична пријава е изведен во Вишото јавно обвинителство во Белград“, велат од полицијата.

Радоичиќ во петокот преку својот адвокат Горан Петронијевиќ ја презеде одговорноста за вооружениот конфликт во селото Бањска, а утредента како граѓанин беше сослушан во полиција. По неговото сослушување беше најавено дека случајот со конфликтот во Бањска ќе го преземе белградското Вишо јавно обвинителство во Белград.