Слободан Костовски (70), попознат како Коле, е уапсениот Србин под сомнение дека го организирал шверцот на два тона кокаин, кој денеска беше запленет во едрилица на Атлантскиот Океан, на пат од Јужна Америка кон Европа, јавуваат српските медиуми.
Бразил по Костовски издал црвена потерница од Интерпол, откако тој избегал од тамошниот затвор во 2018 година, каде што беше осуден на 19 години за шверц на кокаин.
Костовски зад себе има „шарена“ биографија. Тој бил близок пријател со покојниот командант на српската доброволна гарда, Жељко Ражнатовиќ Аркан, со неговиот кум Милан Ѓордевиќ – Бомбона, но и со бегалецот Жељко Максимовиќ во чија група наводно припаѓал.
Во 2019 година од архивата на шведската полиција протекоа фотографии од видео надзорот на банката, на кои се гледа грабеж од 1979 година, во кој Костовски учествувал заедно со Аркан. Тогаш истиот тим извршил два последователни грабежи во Шведска (Стокхолм и Гетеборг), по што побегнале во Холандија. Таму беа уапсени во октомври истата година.
Шведската полиција соопшти дека покрај Аркан, дел од бандата биле и Карло Фабијани и Слободан Коле Костовски. За Фабијани многумина тврдат дека тој е всушност Џовани ди Стефано, кој во почетокот на деведесеттите години на минатиот век се појавил во компанијата на Аркан во Белград како бизнисмен со сомнителна репутација, наводен сопственик на студиото „Метро Голдвин Мајер“ и тогашниот популарното „Радио Пингвин“.
По апсењето во Холандија, тричлена разбојничка банда се засолнила во затвор во оваа земја. Поради грабежот на банка во Амстердам и грабежот во Хаг, Аркан е осуден на седум години ригорозна затворска казна. Една година подоцна, холандските таблоиди нашироко известуваа за спектакуларното бегство на „недофатливиот Србин од затворот Амстел“.
Бегството беше како во холивудските филмови. Се уште се раскажува како неговите пријатели Костовски и Фабијани фрлале пиштол кон Жељко, како Ражнатовиќ го прескокнал ѕидот и така станал идол на тогашната младина од другата страна на законот.
Двајца пријатели, како што пренесуваат холандските медиуми, го фрлиле револверот на Аркан преку ѕид додека тој бил на редовна прошетка низ затворскиот простор. Ражнатовиќ потоа со оружје им се заканувал на затворските чувари и со помош на скала, која осудените ја направиле со свои раце, успеале да го прескокнат ѕидот висок четири метри опкружен со бодликава жица.
Филмското бегство, како што подоцна беше утврдено, детално го испланирале Фабијани и Коле. Колку далеку отишле во тоа планирање, говори и тоа што посетувале дури и часови по летање, бидејќи идејата им била да спуштат јаже од хеликоптер во затворскиот двор за да му овозможат на Ражнатовиќ да избега!