Уапсен е осомничен за пожарот во Парламентот на ЈАР

Еден човек е уапсен во врска со пожарот што целосно ја уништи салата на Националното собрание во јужноафриканскиот главен град Кејптаун, каде што заседаваат пратениците. Осомничениот ќе се појави на суд во вторник, соопшти полицијата.

– Маж е уапсен во зградата на Парламентот и тој се уште е на распит. Покренавме кривична постапка против него. Тој е уапсен и ќе се појави на суд во вторник, изјави портпаролката на полицијата Танди Мбамбо.