Уапсен е малолетник-џепчија кај Зелен пазар во Скопје

МВР информира дека денеска во кругот на скопскиот Зелен пазар, на подрачјето на Центар, полициски службеници од Полициската станица Центар лишиле од слобода малолетник од Скопје.

Тој бил затекнат при извршување кражба на пазарот, при што од лицето А.Б.(38) од Скопје украл паричник со пари.

Малолетникот бил задржан во полициска станица, а одземеното било пронајдено и вратено на сопственикот.

По целосно документирање на случајот, против него ќе биде поднесена соодветна пријава, соопштија од полицијата.