Уапсен е крадец на автомобил во Скопје, ќе има соодветна пријава

Македонското Министерство за внатрешни работи информира дека синоќа 45 минути пред полноќ на ул.„Македонско косовска бригада“ во Скопје, полициски службеници од СВР Скопје го лишиле од слобода Е.А.(31) од Скопје.

Тој се сомничи дека на 14. овој месец во 23 часот во с. Сарај одзел патничко возило „шкода фелиција“ со скопски регистарски ознаки, сопственост на О.Љ.(51) од с. Љубин, општина Сарај.

Лицето било задржано во полициска станица, а возилото било пронајдено и вратено на сопственикот.

По целосно документирање на случајот, против него ќе биде поднесена соодветна пријава.