Уапсен е еден осомничен за нападот во Манчестер

Полицијата во Манчестер уапси млад маж осомничен за нападот што се случи на концертот на пејачката Аријана Гранде, пренесува Independent.

Од полицијата потврдуваат дека еден маж е уапсен во трговски центар, но се утврдува дали е поврзан со нападот во кој загинаа 22 лица, а околу 60 се повредени. Тереза Меј изјави дека полицијата и службите веруваат дека го знаат идентитетот на напаѓачот, со оглед на серијата апсења во текот на утрото.

Меѓу жртвите има и деца, а првата идентификувана жртва е 16-годишната Џорџина Каландер. Голем е и бројот на исчезнати.

Мажот кој ја активираше бомбата загинал на лице место.