407
Полицијата соопшти дека едно лице е уапсено во врска со пукањето во трговскиот центар Филдс, во Копенхаген, кој се наоѓа во близина на градскиот аеродром, пренесува агенцијата АП.
Шефот на полицијата, Сјерен Томасен, потврди дека е уапсен 22-годишен Данец.
Тој додаде дека мотивот не е јасен, но дека не може да се исклучи „терористички чин“.
Томасен на вечерашната прес-конференција рече дека се уште е рано да се каже точно колку лица се повредени во нападот, но изјави дека нема индиции дека има повеќе напаѓачи.
Очевидци велат дека луѓето плачеле и се криеле во продавниците.
Британскиот пејач Хари Стајлс треба да одржи концерт во блиската сала во 20 часот по локално време. Организаторот на концертот сѐ уште не одговорил.