На телевизијата во стечај ТВ Нова и се заканува одземање на дозволата за емитување и бришење од регистарот на радидифузери. Агенција за адуио и аудиовизуелни медиумски услуги во петок ќе покрене постапка против телевизијата затоа што е утврдено дека не ги исполнувала минималните кадровски услови.
Тоа е утврдено по вонредниот надзор кој Агенцијата го извршиле денеска. Надзорот утврдил дека ТВ Нова не ги исполнува минималните кадровски услови утврдени во Правилникот за минимални технички, просторни, финансиски и кадровски услови за добивање дозвола за радио и телевизиско емитување.
ТВ Нова ја известила Агенцијата дека по отворање на стечајната постапка сите вработените лица се одјавени од стечајниот управник и дека во моментов нема вработени лица, туку по отворањето на стечајната постапка за потребите на постапката се ангажирани две лица.
Сепак ТВ Нова и понатаму продолжува со емитување телевизиска програма во етерот.
Агенцијата утврдиле дека е прекршен членот 62 став 6 од Законот за аудио и аудио визуелни медиумски услуги и членот 22 од Правилникот.