Турската армија во одмаздничка офанзива во Сирија по 33-те загинати војници во Идлиб

„Успешно продолжува операцијата „Пролетен штит“ што беше почната на 27 февруари како одговор на нападот врз турските војници. До денеска се уништени еден дрон и осум хеликоптери, 103 тенка, 72 хаубици, три системи за ПВО и убиени се 2.212 војници на режимот на Асад“, ги пренесе податоците на министерот тускиот канал НТВ.

Турскиот министер за одбрана нагласи дека целта на офанзивата „не е судир со Русија“.

-Нашата задача е да ги спречиме злосторствата кои ги прави режимот на Асад, да ги елиминираме радикалните елементи и да го спречиме бранот миграција, нагласи Акар.

 

Турските сили собориле два сириска авиона над Идлиб

Турските сили соборија два авиона на сириските воено-воздухопловни сили во провинцијата Идлиб, јави сириската државна агенција Сана, цитирана од Тасс.

Според агенцијата, „силите на турскиот режим собориле два авиона на сириската владина армија во провинцијата Идлиб”.

Агенцијата забележува дека пилотите на двата авиона „се катапултирале и со падобранци се спуштиле на земја“. “

-Тие не се настрадани, посочува Сана.

Претходно единици на сириската армија во близина на градот Саракиб, во провинцијата Идлиб, собориле турски дрон, „што им припаѓал на терористичките групи“, јави агенцијата.

Сана пре два часа демантираше дека турските сили собориле сириски авион во провинцијата Идлиб.