ЦУК: Се уште активни пет пожари, вчера изгаснати 33

Центарот за управување со кризи (ЦУК) утрово информира дека во Македонија активни се пет пожари, а дека во текот на вчерашниот ден се интервенирало на 33 места каде горело на отворен простор.

Активни се уште пет пожари и тоа во Општина Македонски Брод кај селото Белица каде гори ниска вегетација и нискостеблеста шума, потоа во Општина Штип на планината Серта каде гори нискостеблеста и деградирана шума, пасишта горат кај село Врапчиште, во Општина Могила гори стрниште и ниска вегетација во пределот меѓу селата Могила и Беранци, како и кај селото Бигла во Општина Делчево, каде гори шума и ниска вегетација.