Во текот на денешниот ден понеделник, до 14:00 часот, има вкупно 15 пожари на отворен простор, од кои активни се 8, под контрола е 1 и изгаснати се 6, извести Центарот за управување со кризи.
Активни се пожарите во општина Чашка: Планина Мукос – село Степанци, м.в.Кадиица – село Оморани, село Ораов Дол (гори мешана шума); Општина Прилеп: село Пештани – село Кокре – село Кален (нискостеблеста вегетација);
Општина Штип: село Хаџи Хамзали – село Едеклерци – село Топлик – село Драгоево, полигон Криволак (гори нискостеблеста шума, смреки и сува трева); Општина Чучер-Сандево: село Танушевци, м.в.Рамно (гори мешана шума);
Општина Прилеп: село Радобил (гори шума); Општина Теарце 1: село Глоѓи (ѓубриште); Општина Теарце 2: село Теарце (гори стрниште); Општина Сопиште: село Јаболци, м.в.Краста (камион и ниска вегетација).
Под контрола е пожарот во општина Долнени, Планина Мукос, село Десово – село Дреновци (гори мешана нискостеблеста шума и сува трева).
Како што информираше ЦУК изгаснати се шест пожари.