ЦУК: Изгаснат пожарот зад фрабриката Охис

Пожарот што вечерва избувна зад некогашната фабрика „Охис“ е изгаснат, соопшти Центарот за управување со кризи(ЦУК).

Според ЦУК во 21:10 минути се запалило стрниште зад Охис, и избувнал надвор од кругот на фабриката. Во гасење на пожарот во кој гори сува трева  учествувале едно противпожарно возило и 4 пожарникари.

„Пожари на отворен простор денес се регистрирани вкупно на 20 локации, а активни се два пожари во село Батинци во Општина Студеничани, блиску до куќите и до школото, и во село Блаце во Општина Чучер Сандево , каде гори нискостаблеста шума. Изгаснати се пожари на 18 локации, меѓу кои и позади пунктот на Охис“, соопшти ЦУК.