Црна статистика на Ковид-19 во Русија

Од почетокот на епидемијата со Ковид-19 бројот на смртни случаи во Русија надмина 10.000 лица, а само во последните 24 часа се регистрирани нови 168 починати лица.

Во сите руски региони од почетокот на епидемијата се регистрирани вкупно 674.515 инфекции со корона вирус, а во последните 24 часа се заразени нови 6.632 лица, соопшти рускиот Кризен штаб.

Кај 29,6 проценти од пациентите немало клиничка слика за корона вирус, или тие биле асимтоматски.

Според Кризниот штаб, во моментов во земјата има 217.609 активни случаи. Најголем број новозаболени има во Москва, каде се регистрирани 680 нови случаи.