Цените нема да се замрзнат, еден месец ќе има ограничување на маржата до 10 отсто, рече Дурмиши

Производите кои што ќе се најдат на листата за есенската кошничка ќе бидат со ограничена бруто профитна маржа до 10 проценти, а не со замрзнати цени, изјави министерот за економија и труд Бесар Дурмиши.

Тој додаде дека за оваа мерка ќе се разговара наредната недела на владина седница.

Како што рече тој, дел од производите што ќе бидат опфатени со мерката се лебот, пекарските и млечните производи, овошјето, зеленчукот.

„Оваа мерка ќе биде краткорочна и во сила еден месец. Праксата на нејзиното донесување ќе продолжи за новогодишните и сите следни празници“, рече Дурмиши.