Русија утрото изврши ракетен напад од големи размери низ Украина, погодувајќи станбени и индустриски објекти, соопштија украинските власти.
Цела Украина е во состојба на готовност за воздушни напади од околу 6 часот наутро, а украинските воздухопловни сили соопштија дека земјата била изложена на бранови напади со крстосувачки ракети, а во некои региони и балистички ракети.
„Непријателот жестоко ги напаѓа мирните градови“, рече Олександр Вилкул, градоначалник на јужниот украински град Криви Рих, на апликацијата за пораки Телеграм.
Вилкул рече дека сите информации за обемот на потенцијалната штета ќе бидат објавени по завршувањето на рускиот напад. Целите на рускиот напад и целосниот обем на нападот се уште не се јасни.
Анатолиј Куртиев, секретар на градскиот совет на југоисточна Запорожје, на Телеграм изјави дека ракетниот напад врз градот резултирал со повредени, но не даде повеќе детали.
Најмалку една жена е повредена во нападот во вториот по големина град во Украина, Харков, изјави градоначалникот Ихор Терехов на апликацијата за пораки Телеграм.
Тој рече дека биле погодени индустриски погони, што резултирало со пожар. Пет експлозии се слушнале во градот Запорожје, изјави регионалниот гувернер Јуриј Малашко, а најмалку две лица се повредени.
„Рекетилите погодија станбени области“, рече Малашко на Телеграм.
Исто така, како што пренесува NOELreports, Русите уништиле и трговски центар во Криви Рих.
Russia launched a large-scale missile attack across Ukraine at the start of peak morning hours today, hitting residential and industrial facilities and injuring several people..
Russians destroyed a shopping mall in Kryvyi Rih. Terror continues. pic.twitter.com/RvZS8Xes1P
— NOELREPORTS 🇪🇺 🇺🇦 (@NOELreports) January 8, 2024
