Царовска: Покачување од 722 денари во јануарската пензија ќе добијат 324.000 пензионери

Покачување од 722 денари во јануарската пензија, од понеделник, ќе добијат 324.000 пензионери. Ова денеска го најави вицепремиерката за економски прашања Мила Царовска на заедничка прес-конференција со директорот на пензискиот фонд Шаип Зенељи и претседателката на здружението на пензионери Станка Трајкова.

„Ова зголемување доаѓа по стабилизација на пензискиот систем кој се случуваше во изминатите 2 години, но секако дека ова покачување се базира и на приходите на работоспособното население, односно на покачувањето на минималната плата и просечната плата“, истакна Царовска.