По првиот круг од претседателските избори во Турција, Реџеп Таип Ердоган и Кемал Киличдароглу, ќе се натпреваруваат во вториот круг на 28 мај.
Турскиот националистички претседателски кандидат Синан Оган, кој заврши на третото место на изборите во неделата, денеска изјави дека може да го поддржи главниот опозициски кандидат Киличдароглу во вториот круг само ако се согласи да не прави отстапки на прокурдската партија. Оган освои 5,2 отсто од гласовите во првиот круг од изборите.
За актуелниот претседател Реџеп Таип Ердоган гласале 49,34 отсто од гласачите, покажуваат податоците од обработените 99,9 отсто од гласачките ливчиња, јави турската државна телевизија ТРТ.
За главниот противник пак, Кемал Килчдароглу, кандидат на опозициската Национална алијанса гласале 44,99 отсто од гласачите.