Републиканскиот кандидат за претседател на САД, Доналд Трамп се огласи на платформата Х и испрати силна порака до американските граѓани.
„Сега и официјално е ДЕНОТ НА ИЗБОРИТЕ! Ова ќе биде најважниот ден во американската историја. Ентузијазмот на гласачите е огромен затоа што луѓето сакаат да ја направат Америка голема повторно. Тоа значи дека редовите ќе бидат долги! Треба да го дадете својот глас без разлика колку долго ќе чекате. Останете во редот! Радикалните комунистички демократи сакаат да се спакувате и да си одите дома. Заедно ќе постигнеме огромна победа и ќе ја направиме АМЕРИКА ПОВТОРНО ГОЛЕМА“, напиша Доналд Трамп на платформата X.
It is now officially ELECTION DAY! This will be the most important day in American History.
Voter enthusiasm is THROUGH THE ROOF because people want to Make America Great Again. That means lines are going to be long!
I need you to deliver your vote no matter how long it takes.…
— Donald J. Trump (@realDonaldTrump) November 5, 2024
Трамп гласаше во неговата сојузна држава Флорида придружуван од сопругата Меланија. По гласањето, тој го изрази своето задоволство од големиот одѕив, велејќи дека е „многу почестен“ што дознал за долгите редици. Тој додаде дека се чувствува „многу сигурен“ за исходот од изборите, нагласувајќи дека републиканците покажуваат сила и дека слуша дека „многу добро им оди“.
На прашањето за можноста ниту тој ниту Камала Харис да достигнат 270 електорски гласови до крајот на вечерта, Трамп одговори дека „тоа никогаш не треба да се случи“ и ја нагласи својата желба за инклузивност, велејќи: „Сакаме да ги привлечеме сите, сакаме да биде многу инклузивни“.