Трамп ќе мора да сведочи за упадот во Капитол

Комитетот на американскиот Конгрес кој ги истражува минатогодишните немири во Капитол официјално го повика поранешниот претседател Доналд Трамп да сведочи во врска со настанот на 6 јануари 2021 година.

„Бевте во средиштето на првиот и единствен обид на кој било американски претседател да ги поништи изборите. Знаевте дека оваа активност е незаконска и противуставна“, стои во поканата, пренесува Аваз.

Според федералниот закон, непочитувањето на поканата од одборот на Конгресот за сведочење или предавање документи е прекршок, за што може да се одреди затворска казна од еден месец до една година. Во тој случај, целиот Конгрес мора да гласа дали да го предаде случајот на Министерството за правда, кое има моќ да покренува обвиненија.