Тошковски: Мирен изборен ден – ќе бидат поднесени две кривичи пријави

Мирен и со незначителни нерегуларности помина првиот круг на претседателските избори, оцени техничкиот министер за внатрешни работи, Панче Тошковски.

-На ниво на целата држава евидентирани се 12 случаи на фотографирање на гласачкото ливче, два случаи на кинење на гласачко ливче, шест пријави за нудење на поткуп и 15 пријави за агитирање. На подрачје на СВР Скопје во врска со пријавата за испукана димна бомба од страна на тимот за антитероризам извршена е проверка , подигната е направата и предадена е на претседателот на избирачкиот одбор. Констатирани се шест прекршоци, а ќе бидат поднесени и две кривични пријави, една за повреда на тајност на гласањето и една за повреда на избирачко право, рече Тошковски на прес-конференција.