Торнадо пустоши низ Америка, има повредени и мртви

Најмалку 17 луѓе загинаа, десетици се во болница, разурнати се куќи, торнада и опасните бури го зафатија југот и средниот запад на САД.

Седум смртни случаи во Тенеси се денеска потврдени, со што вкупниот број на загинати се искачи на 17, откако разорните бури и торнада ги зафатија јужниот и средниот запад во петокот до раните утрински часови во сабота.

Десетици торнада се пријавени низ Арканзас, Мисисипи, Ајова, Тенеси, Илиноис и Висконсин, но точниот број на потврдени торнада допрва треба да се утврди.

Според Националната метеоролошка служба, повеќе од 28 милиони луѓе ширум југот и средниот запад беа под опасност од налетот на торнадата синоќа.