Марија Захарова, портпаролка на руското Министерство за надворешни работи, денеска бурно реагираше на прашање на италијанската новинска агенција АНСА. Прашањето гласеше: “Приходите од извозот на нафта и гас значително се намалија, рубљата падна и инфлацијата расте. Во исто време, беспилотните летала стигнуваат речиси секој ден во Москва. Уште колку Русија ќе може да го одржува овој конфликт?”
Следеше бурна реакција на Захарова: „Тоа што го кажувате е смешно, САД пресметаа дека нема да издржиме ниту еден месец во 2022 година, откако ги воведоа нивните „санкции од пеколот“, да ги користат нивните зборови“.
-Секоја земја на НАТО ќе се распадне во рок од една недела од таквите санкции. На некој начин тие се во право: тие се однесуваат како вистински демони, а ниту Италија, ниту Германија, ниту Франција, ниту Британија, ниту самите Соединети Држави, не би се опоравиле од таквите санкции. Секоја земја на НАТО би пропаднала за една недела. Сепак , тука сме, живееме, се развиваме и одиме напред, изјави Захарова
Портпаролката на руското МНР рече дека руската економија расте со добро темпо.
-И покрај прилично песимистичките прогнози кои продолжуваат да доаѓаат од некои експерти, главно западни, и покрај сите овие прогнози, Русија беше меѓу првите пет најголеми светски економии на крајот на 2022 година. Според Светот Банката, Руската Федерација напредна и ја надмина Сојузна Република Германија во однос на паритетот на куповната моќ и големината на економијата, што е еден од најважните показатели, рече Захарова.
Таа изјави дека во вториот квартал од оваа година, бруто домашниот производ на Русија порасна за 4,9 отсто во споредба со истиот период лани.
-Освен тоа, индустриите кои не се поврзани со експлоатација на природни ресурси, вклучително и нафта и гас, растат уште побрзо темпо, изјави портпаролката на руското МНР.
Таа рече дека реалноста ја ужаснува НАТО и дека целиот слободен свет ја поддржува Русија.
-Со некои земји чии лидери не подлегнаа на суровиот надворешен притисок, туку се водат од сопствените национални интереси, нашата меѓусебна трговија порасна не само за десетици проценти, туку и многукратно и продолжува да расте. Нашите природни ресурси се купуваат и покрај наметнатите ценовни ограничувања.Руското гориво по конкурентни цени им овозможува на пријателските земји да ги задржат цените под капакот и да го прошират индустриското и земјоделското производство, што ја зајакнува нивната енергетска безбедност и економска стабилност, рече Захарова.
-Зад нас е вистината и целиот слободен свет. Она што стои зад НАТО се „меурчиња од сапуница“, глад за пари и моќ и носталгија за колонијализмот, изјави портпаролката на руското МНР.