Теута Арифи: Пожарот избувнал многу брзо, уште немаме информации за можни жртви

Пожарот избувнал многу брзо, но уште немаме информации за можни жртви, изјави вечерва градоначалничката на Тетово, Теута Арифи која вечерва беше на местото на пожарот кој избувна во ковид-центарот во Тетово.

Таа немаше многу информации за пожарот и кажа само дека чекаат информации од болницата и од полицијата.

-Пожарот избувнал многу брзо, нема информации за можни жртви. Апсолутно жалам, таму биле луѓе болни кои биле на лекување. Чекаме официјални информации и од болницата и од полицијата, рече кратко Арифи.