Тетово: Мајка и ја влечела за коса, а татко и ја удирал со тупаници затоа што не сакала да им ја даде платата

24-годишна девојка од Тетово ги пријавила вчера околу 22.00 часот родителите дека извршиле семејно насилство врз неа.

Според полицијата, непосредно пред пријавата во нејзината соба влегла мајка и и побарала да и ја даде целата плата. Таа се спротивставила и тогаш мајка и почнала да ја влече за коса, а татко и неколку пати со тупаници ја удрил по главата и телото.

На девојчето и се нанесени видливи повреди на телото. Родителите М.Џ.(44) и М.Џ.(41) биле   повикани   во   Полициската станица Тетово на распит. Од полицијата велат дека се преземаат мерки за расчистување на случајот по што ќе биде поднесен соодветен поднесок.