МВР информира дека вчера попладне околу 16.20 часот во СВР Тетово било пријавено дека на регионалниот пат Тетово – Пирок, во тетовска Мала Речица, се случила сообраќајна несреќа помеѓу товарно возило „фиат” со тетовски регистарски ознаки, управувано од Ш.А.(62) од тетовско Боговиње и мотоцикл „хонда“ без регистарски ознаки, управувано од А.Р.(35) од тетовско Долно Палчиште.
Во несреќата со тешки телесни повреди се здобил мотоциклистот, констатирани во Клиничка болница Тетово.
Кратко потоа, во 18.00 часот во СВР Скопје било пријавено дека на регионалниот пат Скопје – Тетово, во атарот на с. Семениште, се случила сообраќајна несреќа помеѓу патничко возило „ауди а4“ со скопски регистарски ознаки, управувано од Ј.Х.(63) од с. Чајлане и мотоцикл без регистарски ознаки, управуван од Е.А.(21) од с. Бојане, Скопско.
Во несреќата со тешки телесни повреди се здобил сопатник од мотоциклот, Ј.А.(23) од с. Бојане, а со телесни повреди се здобил мотоциклистот, констатирани во Градската општа болница „8 Септември“.
Извршен бил увид од увидна екипа од СВР Скопје.