Во сообраќајна несреќа тешко е повредена 58-годишна жена од прилепското село Десово, информираат од Министерството за внатрешни работи.
„Несреќата се случила вчера на патот Ропотово – Богомила кога се судриле возило „мерцедес“, со прилепски регистарски ознаки, управувано од Е. С. (22) од с. Десово, и возило „фолксваген пасат“, со прилепски регистарски ознаки, управувано од С. М. (35) од с. Секирци. Во несреќата тешки телесни повреди добила Л. К. (58) од с. Десово, сопатничка во возилото „мерцедес“, констатирани во Градската болница во Прилеп. Извршен бил увид од екипа од Полициската станица Прилеп“, додаваат од МВР.
