Вчера попладне во Прилеп се случила тешка сообраќајна незгода, во која повредени биле четири лица, кои биле пренесени во Општата прилепска болница.
„На 08.01.2020 во 13.00 часот на крстосница од ул.„Бошко Јанкоски“ и ул.„Цане Коњарец“ во Прилеп се случила сообраќајна незгода помеѓу патничко возило „фолксваген пасат“, со прилепски регистарски ознаки, управувано од Т.П.(63) од Прилеп и патничко возило „југо корал“, со прилепски регистарски ознаки, управувано од Б.П.(63) од Прилеп. Во незгодата Б.П. се здобил со тешки телесни повреди, а со телесни повреди се здобиле тројцата сопатници од истото возило И.П., М.И. и П.И., по што биле пренесени во Општата болница Прилеп за укажување на лекарска помош. Извршен бил увид на местото на настанот од увидна екипа на Полициската станица Прилеп“, велат од МВР.