Тепачка во скопска фирма, еден избоден со нож и уште тројца повредени

Во фирма во Скопје вчера при физичка пресметка биле повредени неколкумина работници.

-На 14.06.2024 во 14:30 часот, полициски службеници од Полициското одделение Петровец ги привеле А.А.(26) и Ј.Б.(24), двајцата од с.Катланово, скопско, поради сомнение дека пред фирмата во која работеле во индустриска зона на подрачјето на општина Петровец учествувале во физичка пресметка.

Во тепачката Ј.Б. употребил остар предмет и му нанел убодна рана на Н.М., кој бил пренесен во Компекс клиники „Мајка Тереза“ за укажување лекарска помош.

Притоа, со повреди се здобиле Е.М., Р.Б. и С.Ќ., сите вработени во истата фирма.

По целосно документирање на случајот ќе биде поднесен соодветен поднесок.