Теодор Јовески го извади светиот крст од водите на Вардар во центарот на Скопје

Теодор Јовески успеа прв да стигне до светиот крст кој попладнево беше положен во осветените води на реката Вардар во центарот на Скопје.

На положувањето на чесниот крст му претходеше литија од црквата „Рожденство на Пресвета Богородица“, каде претходно се одржа литургија.

Скопската православна епархија при МПЦ-ОА, како и секоја година, така и оваа го организира традиционалното осветување на водите на реката Вардар и чинот на положување на чесниот крст.