Темелковски: Оптимист сум дека со МОН ќе најдеме решение во полза на студентите

Претседателот на универзитетското собрание на УКИМ, Славчо Темелковски, во гостувањето во Топ Тема на Телма говореше за актуелната состојба со студентите и најавените мирни протести.

Тој додаде дека е оптимист за усвојување на решение за студентскиот оброк кое ќе биде системско и долгорочно.

„Ние предлагаме легитимни решенија кои можат да се адаптираат и применат. Секогаш е подобро да се донесе едно решение кое ќе биде системско и долгорочно. Притоа нема да има потреба од постојани законски измени, кои можат да бидат кочени“, рече Темелковски.