Татко пријавил дека син му избегал од Психијатриска болница и го нападнал

Татко пријавил дека неговиот син кој бил на лекување во скопска Психијатриска болница избегал од болницата и го нападнал, информираа од МВР.

Според полицијата, вчера во 21,25 часот во Секторот за внатрешни работи Куманово, М.М. од Куманово пријавил дека неговиот син З.М. кој бил на лекување во психијатриската болница во Скопје, избегал од истата, по што дошол во нивниот дом и се однесувал агресивно кон него. При преземање на службени дејствија, З.М. физички нападнал полициски службеник, по што  бил совладан и со возило на Итна медицинска помош бил пренесен во Општата болница Куманово од каде бил препратен во Психијатриска болница во Скопје. Се преземаат мерки за целосно расчистување на случајот.