Татко и син кои се вратиле од Италија се првите случаи на заразени од корона вирус во Албанија

Албанија денеска ги потврди првите два случаи на инфекција со новиот коронавирус, а се работи за татко и син кои се вратиле од Италија.

И двајцата се стабилни и немаат никакви компликации, објави албанскиот министер за здравство.

Пред да ги потврдат првите два случаи на инфекција, здравствените работници во таа земја тестирале околу 60 примероци, меѓу кои немало знаци на инфекција. Повеќе од 400.000 Албанци живеат во соседна Италија.