Министерот за здравство и еден од лидерите на ВЛЕН, Арбен Таравари тврди дека нема несогласување во владејачката коалиција. За идејата за паралелна албанска Академија на науки и уметностите, вели дека е нивна програмска определба уште од предизборието.
-Идеите за наука и уметност мислам дека се добри и убави. Засега почнавме како иницијатива од четири општини, а се надевам дека понатаму ќе дојдеме до решение кое што ќе биде прифатливо за сите кои живеевме во Македонија. Науката не се етнизира. Ќе имаме повеќе институции кои се занимаваат со наука и уметност и треба да ги развиеме и поддржуваме, за да секоја година имаме подобри резултати. Да дадеме максимум сите, што повеќе науката и уметноста на сите етнички заедници, да се развива што поубаво и подобро, изјави Таравари за медиумите при посетата на мобилната единица на плоштадот „Македонија“.
