Таравари: Се надевам дека го направивме вистинското решение, на 8. мај ќе се случи промена во албанскиот политички блок

Лидерот на Алијанса за Албанците, Арбен Таравари од партиски собир во Тетово рече дека АА го направила вистинскиот избор. Порача дека на 8. мај ќе се случи промена кај албанскиот политички блок.

„Еве тука сме на собир во Тетово каде добивме поддршка која е неочкувана од наша страна. Никогаш како Алијанса за Албанците не сме имале ваков собир. Јас се надевам дека го направивме вистинското решение и дека на 8. мај ќе се случи долгоочекуваната промена во албанскиот политички блок“, рече Таравари.

Тој истакна дека над 60% од делегатите се на нивна страна.

„Делегати имаме над 75-76-77, не знам ни јас точно, но околу 60%“, порача Таравари.