Таравари најавува протести: Ќе бидеме поагресивни

Градоначалникот на Гостивар, Арбен Таравари денеска одговарајќи на новинарски прашања рече дека Алијанса за Албанците по својот партиски конгрес ќе биде поагресивна во барањата за предвремени избори.

-Секако ќе излеземе и на улица. Ние ќе го одржиме конгресот на 27 март. Имаме стратегија како ќе делуваме како опозиција, ќе бидеме поостри, поагресивни и ќе бараме правда по секоја цена, вели Таравари.

Денеска и лидерот на ВМРО-ДПМНЕ, Христијан Мицкоски рече дека предвремени парламентарни избори ќе мора да има, порано или подоцна.