Светската здравствена организација (СЗО) предупреди дека е нереално размислувањето дека светот ќе се ослободи од ковид-19 до крајот на годината.
Директорот на СЗО за вонредни ситуации Мајк Рајан кажа дека трагичноста на коронакризата би можела да се избегне со намалување на бројот на хоспитализираните и смртните случаи, пренесува Гардијан.
Тој истакна дека вирусот и понатаму е тој кој ја има контролата, особено имајќи го предвид порастот на бројот на новозаразени минатата недела, по шесте последователни недели на пад на бројките.
-Би било многу избрзано и нереално да се мисли дека до крајот на годината ќе се ослободиме од вирусот, но ако бидеме паметни ќе може да завршиме со хоспитализациите, смртните случаи и трагедијата поврзана со пандемијата, кажа Рајан.