Повеќе од 96.000 луѓе починаа во светот од Ковид-19 во изминатата недела, што е највисок број од почетокот на пандемијата. Во исто време, инциденцата се намалува трета недела по ред, соопшти Светската здравствена организација.
Минатата недела беа дијагностицирани околу 3,7 милиони нови случаи на коронавирусот, што е за 13 проценти помалку од претходните седум дена.
Од 31 јануари, од почетокот на пандемијата, повеќе од 102 милиони луѓе биле заразени, а над 2,2 милиони луѓе починале ширум светот.
Падот на морбидитетот во изминатата недела беше особено забележлив во Африка (за 27 проценти) и во регионот на Европа (за 18 проценти). Смртноста во овие региони исто така е намалена – за 8 проценти. Сепак, беше забележано зголемување на смртни случаи во Западен Пацифик (за 21 процент), во Источен Медитеран (за 9 проценти) и во Западна хемисфера (за 4 проценти).
Во Северна и Јужна Америка, повеќе од 1,8 милиони луѓе се разболеа, а повеќе од 47.000 починаа за седум дена. Во Европа, бројот на заразени лица е зголемен за повеќе од 1,25 милиони, а бројот на смртни случаи за повеќе од 36.000.
Во САД бројот на заразени се зголеми за повеќе од 1,07 милиони за една недела. Следат Бразил (над 364.000 нови случаи), Велика Британија (над 178.000), Франција (над 141.000), Русија (над 131.000), Шпанија (над 109.000), Мексико (над 109.000), Индија), Колумбија (над 90.000) и Индонезија (над 88.000).