СЗО: Најголем број на нови заразени во светот за еден ден, вкупно 189.000 луѓе

Светската здравствена организација објави дека светот регистрира нов најголем број заразени со коронавирус за еден ден, откако инфекцијата беше потврдена кај повеќе од 189.000 луѓе во претходните 24 часа. Досега најголем број заразени за еден ден изнесуваше 183.000.

Повеќето нови случаи на инфекција се регистрирани во Бразил, повеќе од 46.800, а потоа следат САД, 44.400 и Индија со околу 20.000 новоинфицирани. Далеку најмногу заразени има во САД, повеќе од 2,5 милиони, што е двојно повеќе од Бразил. Бројот на смртни случаи во светот од ковид-19 надмина 500.000, вкупно потврдените случаи надминаа 10 милиони.