Седницата на Судскиот совет којашто беше закажана за денеска во 11 часот на којашто требаше да се избира нов претседател се одложи.
Причините за одложувањето не се познати, обезбедувањето во институцијата излезе и ги извести новинарите дека седница нема. Неофицијално, несогласувањата ќе се „пеглаат“ на колегиум, далеку од очите на јавноста.
Минатата седница на којашто исто така требаше да се избира нов претседател на Судски совет, по контроверзното разрешување на Весна Дамева, се одложи, но јавноста беше информирана.
Минатата недела, дел од членовите на Советот на чело со заменикот претседател, Селим Адеми ја разрешија Дамева, според нив заради тоа што го криела писмото на амбасадорката на САД, Анџела Агелер и нарушените меѓучовечки односи.
Според неофицијални информации, затоа што на дневен ред требало да се стави разрешувањето на судијата, Енвер Беџети, кој неоправдано го доведе до чекор на застарување предметот за масовното прислушување.
Ф.Ф.С.