Студентите на Универзитетот во Нови Сад официјално најавија дека од сабота, 01.02.2025 година, во 15 часот ќе одржат протест за да одбележат три месеци од злосторството што се случи на железничката станица во тој град. По тој повод ќе блокираат три моста: Жежељев, Варадински и Мост Слободе.
„Со оглед на фактот што во овие три месеци никој не одговараше за делото во кое животот го загубија 15 лица, а двајца беа тешко повредени, дека барањата на студентите во
блокади, дека учениците се континуирано мета на прорежимските таблоиди, дека континуирано има инциденти во кои ученици и граѓани се физички нападнати за време на петнаесетминутната почит до жртвите и дека студентите и граѓаните кои протестираат се активно заплашувани, како од членовите на безбедносно-информативната агенција, така и од нивните претпоставени во деловното опкружување, студентите имаат потреба повторно да излезат на улица“, се наведува во соопштението.
Тие ги повикуваат граѓаните од цела Србија и колегите од сите универзитети во земјата да им се придружат на 1 февруари и велат дека целта на протестот е „нивниот глас првпат да одекне низ Србија токму од Нови Сад, местото каде криминалот што го поттикна протестот и студентските блокади“.