Студент на ФОН меѓу загинатите во автобуската несреќа

Од Универзитетот ФОН соопштија дека меѓу загинатите во автобуската несреќа кај селото Ласкарци е и студентот, Бобан Аврамоски, кој студирал дизајн и мултимедија.

„Почитувани, со длабоко жалење ве известуваме дека во вчерашната трагична несреќа загина и нашиот студент на Факултетот за дизајн и мултимедија – Бобан Аврамоски. Изразуваме длабоко сочуство до неговото семејство и семејствата на сите загинати. На повредените им посакуваме брзо закрепнување“, соопштија од Универзитетот.