Студено време со утрински температури и до -10

Времето денеска наутро студено, насекаде со негативни утрински температури. По одделни котлини ќе има појава на магла.

Преку денот времето ќе биде сончево и претежно тивко со мала до умерена локална облачност.

Минималната температура ќе биде во интервал од -10 до -1, а максималната ќе достигне од 2 до 12 степени.

Во Скопје претпладне ќе биде студено со појава на магла, преку денот сончево и тивко со мала до умерена облачност.

Минималната температура ќе се спушти до -6, а максималната ќе достигне до 3 степени.

Во следните денови ќе преовладува променливо облачно време.

Во понеделник по одделни котлини ќе има појава на магла, а локални врнежи од дожд, на планините од снег се очекуваат во вторник.