Студено време со повремени врнежи од слаб снег

Времето денеска ќе биде претежно облачно и студено наместа со повремен слаб снег. Ќе дува слаб ветер од северен правец. Најниската температура ќе се спушти до – 7 Целзиусови степени, а максималната ќе биде во интервал од -2 до 5 степени, информираат од УХМР.

Во Скопје ќе биде претежно облачно, тивко и студено со услови за провејување на слаб снег. Минималната температура ќе биде – 1, а максималната 4 степени.

Од утре ќе преовладува стабилно време со пораст на  дневните температури. Утринските температури насекаде ќе бидат под нула, а наместа ќе се спуштат и под -10 степени. По котлините ќе има појава на магла и пониски дневни температури.