Времето во Македонија и денеска наутро ќе биде студено, по одделни котлини ќе има услови за појава на магла или ниска облачност, а преку денот ќе биде променливо облачно со сончеви периоди. Mаксималната температура денеска ќе се движи од 23 степени во Маврово, 22 во Скопје, до 23 степени Целзиусови во Гевгелија.
Ќе дува слаб до умерен, а наместа долж Повардарието повремено засилен ветер од северен правец.
Во Скопје наутро во делови од котлината ќе има услови за појава на слаба магла, а преку денот променливо облачно со сончеви периоди. Ќе дува слаб до умерен ветер од северен правец кој во делови од котлината краткотрајно ќе засилува.
Во сабота, времето ќе биде поубаво, а максималната температура ќе стигне до 26 степени Целзиусови. Под влијание на постудена воздушна маса од север во недела ќе има зголемена облачност и ќе дува умерен, до засилен северен ветер. Дневната температура ќе опадне за 6 до 8 степени.
Во текот на следната работна седмица, утринските температури на повеќе места ќе се спуштаат под нулата.